"Formula-1" üzrə ilin ən yaxşı ötmə əməliyyatı Azərbaycanda qeydə alınıb - VİDEO

"Formula-1"in Azərbaycan Qran-prisində "Red Bull" komandasının avstraliyalı pilotu Daniel Rikkardonun ötmə əməliyyatı 2017-ci ilin ən yaxşısı hesab edilib. Avtosfer.az “Report”a istinadən xəbər verir ki, bu barədə məlumat seriyanın rəsmi "Twitter" səhifəsinə yerləşdirilib. Rikkardo Bakıda yolun qısa hissəsində birdən-birə üç rəqibini - Lens Stroll, Niko Hülkenberq və Felipe Massanı ötməyi bacarıb və sonda yarışın qalibi olub.