"Formula 1"ə bilet satışı məntəqəsi açıldı - VİDEO

Bu ilin yayında ölkəmizdə keçiriləcək "Formula 1" Avropa Qran-prisi yarışına biletləri təkcə onlayn deyil, əyani şəkildə də almaq mümkün oldu. Paytaxtda bu yarışa biletlərin satıldığı məntəqə istifadəyə verilib. Burada həm ölkə vətəndaşları, həm də xarici qonaqlar bu möhtəşəm yarış barədə ətrafli məlumat da əldə edə bilirlər.

Həftənin bütün günləri fəaliyyət göstərən mərkəzin məqsədi "Formula 1 " həvəskarlarının işini asanlaşdırmaqdır. Yarışı yerində izləmək istəyənlər biletləri internetlə yanaşı, ətraflı məlumatı burdanda ala biləcəkələr. "Formula 1" təşkilatçıları bilet almaq istəyənləri tələsiməyə çağırır. Çünki Azərbaycan vətəndaşları və ölkəmizdə məskunlaşmış başqa ölkə vətəndaşları üçün nəzərdə tutulmuş imtiyazlı, yəni 20-40 faiz endirimlə olan bilətlərin sayı məhduddur. Biletlərin qiymətləri 19 ilə 472 dollar arasında dəyişir. 19 dollarlıq biletlə yalnız yarışın ilk günü - məşq sürüşlərini ayaqüstə izləmək olacaq. Oturacaqlı yerlərin qiymətləri isə fərqlidir. Neftçilər prospektində Muzey mərkəzinin qarşısındakı tribunalarda biletin biri 120 dollar olacaq. "Qız Qalası" və "Filarmoniya" tribunalarında 188 dollar, 50 sent, "Sahil" və "Muğam" tribunalarında isə 245 dollar təşkil edəcək. "İçərişəhər" və "Azneft" tribunasında biletin qiyməti 294 dollar, yarışların start və finişini müşahidə etməyin mümkün olacağı "Abşeron" tribunasında isə bir biletin qiyməti 472 dollar olaraq müəyyən edilib.

Bir şəxs maksimum 4 ədəd imtiyazlı bilet ala bilər. Bu biletlər şəxsiyyəti təsdiq edən sənəd əsasında satılır. Yaxın günlərdə isə daha bir neçə bilet satış məntəqəsi açılacaq.