Şumaxerin həyat yoldaşı övladlarının öldürülməsi ilə hədələnib

"Formula 1" üzrə 7 dəfə çempion olmuş Mixael Şumaxerin həyat yoldaşı Korinna övladlarının öldürülməsi ilə hədələnib. Avtosfer.az "Report"a istənadən xəbər verir ki, şantajçı xanım Şumaxerdən 900 min avro pul tələb edib. Belə ki, 2016-cı ilin fevral ayında naməlum şəxs Korinnanın elektron poçtuna mesaj göndərərək martın 31-dək pulun köçürülməyəcəyi təqdirdə bala Şumaxerləri öldürəcəyini yazıb. Şumaxerlərin iki övladı - Cina Mariya adlı qızı və Mik adlı oğlu var. K.Şumaxer polisə müraciət edib və cinayətkarın kimliyi bank hesabı nömrəsi ilə müəyyənləşdirilib. Məhkəmə zamanı 25 yaşlı kişi günahını etiraf edib.