28 May metrosu ətrafındakı yeni velosiped yolları niyə SÜRÜŞKƏNDİR? – RƏSMİ

28 May metrosu ətrafında salınan yeni velosiped yolları yağışlı havada velosiped sürücüləri üçün təhlükə yaradır. Yağış yağan zaman yol örtüyünün sürüşkən olması səbəbilə velosipedçilər qəza törədirlər. Artıq bir neçə dəfə yıxılıb xəsarət alanlar da olub.

Yol salınarkən təhlükəsizlik qaydaları niyə nəzərə alınmayıb? Yağışlı havada bu cür halların baş verməməsi üçün hansısa tədbirlərin görülməsi düşünülürmü?

Məsələ ilə bağlı Bakı Şəhər Mənzil-Kommunal Təsərrüfatı Departamentindən (MKTD bildirilib ki, sözügedən velosiped yolu xarici mütəxəssislərin hazırladığı layihə əsasında salınıb:

“Yolun həm səthi, həm də digər parametrlərı bütün standartlara uyğundur.

Yolun sürüşkən olmasına gəlincə isə, velosiped təkərlərinin rezin olmasını nəzərə alaraq ərazidə sürüşmə olması riski minimuma endirilir”.

(bizim.media)