Bakıda uşaqları oğurlayan əxlaqsız manyakın VİDEOSU

Votsap mesajlaşma sistemində 24 nömrəli məktəbin yaxınlığında cinayətkarın peyda olması ilə bağlı video və səs yazısı yayılıb. Avtosfer.az Axar.az-a istinadən xəbər verir ki, videonu yayan şəxs 28 saylı məktəbin müəllimi olduğunu deyir və valideynləri diqqətli olmağa çağırır. Onun sözlərinə görə, həmin cinayətkar aşağı sinif şagirdlərini çağıraraq, ünvan soruşur. Sonra isə şagirdə “gedək, ünvanı göstər” deyərək, onu özü ilə aparır və nalayiq hərəkətlər edir.

28 saylı məktəbin müəllimi videonu polis idarəsindən gələn şəxsin təqdim etdiyini deyib:

“Polis bizdən bu videonu yaymağımızı istədi. Diqqətli olun, övladlarınıza tapşırın ki, tanımadıqları şəxslərdən uzaq olsunlar”.

Mövzunu diqqətdə saxlayacağıq.