Bu yolda diqqətli olun: cərimələnə bilərsiniz - FOTO

"107.7 FM-də "Naviqator" verilişinə mənə zəng edən bir sürücü dedi ki, onu Tbilisi pr. ilə mərkəzə doğru hərəkət edərkən "İST petrol" qarşısında geriyə dönmə yeri yanında ən sol zolaqda düz getdiyinə görə 40 manat cərimələyiblər." Avtosfer.az xəbər verir ki, bunu hüquqşünas Ərşad Hüseynov deyib. Ə. Hüseynov izah edir ki, adıçəkilən ərazidə təxminən aprel ayından hərəkətin təşkilində dəyişiklik ediblər. "Fotolardan da aydın görünür ki, yuxarıdan 5.8.1 nişanı asmaqla və asfalta 1.18 nişanlanma oxları tətbiq etməklə ən sol zolaqdan yalnız geriyə dönməyə icazə veriblər. Məqsəd odur ki, düzünə istiqamətdə sıxlıq və ya tıxac olanda geriyə dönmə yeri açıq qalsın". 

Ekspert sürücüləri xəbərdar edir ki, hərəkətin təşkili ideal olmasa da, diqqətli olun ki, cərimələnməyəsiniz. "Sol zolaqda düz getmək istəsəniz, vaxtında sağa yerdəyişmə etmək lazımdır".

Orxan