Bakı nəqliyyatında YENİLİK: üztanıma ilə ödəniş dövrü yaxınlaşır

Bakı Metropolitenində üz tanıma texnologiyasına əsaslanan gedişhaqqı ödəniş sisteminin tətbiqi ilə bağlı müzakirələr aparılır. Bu istiqamətdə artıq "Azərbaycan Dəmir Yolları" QSC ilə birlikdə yeni ödəniş sisteminin inteqrasiyasına start verilib.

Avtosfer.az xəbər verir ki, bu barədə "AzInTelecom" MMC-nin kommersiya departamentinin direktoru Fərrux Fərəcullayev "AzInTelecom-un rəqəmsal xidmətləri medianın gözü ilə" adlı tədbirdə məlumat verib.

F.Fərəcullayev bildirib ki, belə bir sistemin yerüstü ictimai nəqliyyatda, xüsusilə avtobuslarda tətbiqi daha çətindir. Onun sözlərinə görə, bu sahədə hava şəraiti, işıqlandırma səviyyəsi, kameraların texniki göstəriciləri və digər texniki amillər nəzərə alınmalıdır. Bu səbəbdən öncə pilot sınaqlar həyata keçiriləcək və onların nəticələrinə əsasən yekun qərar veriləcək.

Könül