Motosiklet və mopedin idarə edilməsi ilə bağlı yeni qayda

Milli Məclisin bu gün keçirilən iclasında “Yol hərəkəti haqqında” qanuna dəyişiklikləri nəzərdə tutan layihə müzakirə olunaraq üçüncü oxunuşda qəbul edilib.

Avtosfer.az xəbər verir ki, dəyişikliklərə əsasən, motosiklet və mopedlərin uzunluğu və ya eni üzrə qabaritlərini 0,5 metrdən çox aşan, həmçinin nəqliyyat vasitəsinin idarə olunmasına mane ola biləcək yüklərin daşınması qadağan ediləcək.

Yeni tələbin tətbiqi yol hərəkəti təhlükəsizliyinin artırılması və bu nəqliyyat vasitələri ilə baş verə biləcək risklərin minimuma endirilməsi məqsədi daşıyır.