Paytaxtda Heydər Əliyev parkının yaxınlığında yeni svetoforlar quraşdırılıb - VİDEO

Bakının Nizami rayonunda piyadaların və sürücülərin təhlükəsizliyinin təmin edilməsi məqsədilə yeni svetoforlar quraşdırılıb.

Avtosfer.az xəbər verir ki, Daxili İşlər Nazirliyinin (DİN) Nəqliyyatı İntellektual İdarəetmə Mərkəzi tərəfindən Bəkir Çobanzadə və Bəhruz Nuriyev küçələrinin kəsişməsində ümumilikdə 6 nəqliyyat və piyada bölməli svetofor istifadəyə verilib.

Yeni svetoforlar ərazidə yerləşən Heydər Əliyev parkından və ictimai iaşə obyektlərindən istifadə edən piyadaların rahat və təhlükəsiz hərəkətini təmin etmək məqsədi daşıyır.

Mərkəzdən bildirilib ki, piyada və nəqliyyat axınının intensivliyi nəzərə alınaraq, piyada keçidlərinin svetoforlarla tənzimlənməsi istiqamətində işlər davam etdirilir.