Vətəndaşların müraciətindən sonra bu yolda avtobus zolağı çəkildi - VİDEO

Sabunçu-Zabrat yolunda ictimai nəqliyyatın hərəkətinin sürətləndirilməsi və yol infrastrukturunun yaxşılaşdırılması məqsədilə yeni avtobus zolağı təşkil olunub.

Avtosfer.az xəbər verir ki, layihənin əsas üstünlüklərindən biri təkcə avtobusların hərəkətinə şəraitin yaradılması deyil, eyni zamanda piyadalar üçün də infrastrukturun formalaşdırılmasıdır. Belə ki, yolun sol hissəsində əvvəllər səki mövcud olmayıb, avtobus zolağı salınarkən həmin hissədə piyadalar üçün səki də inşa edilib.

Mütəxəssislərin fikrincə, bu yanaşma yol hərəkətinin bütün iştirakçılarının maraqlarını nəzərə alan kompleks həll hesab olunur. Avtobus zolağı ictimai nəqliyyatın vaxt itkisinin azalmasına, sərnişindaşımada intervalın stabilləşməsinə xidmət edir, yeni salınmış səki isə piyadaların təhlükəsiz hərəkətini təmin edir.

Sakinlər də görülən işləri müsbət qiymətləndirir, xüsusilə əvvəllər piyada hərəkətinin çətin olduğu ərazidə indi daha rahat və təhlükəsiz şəraitin yaradıldığını bildirirlər.
Qeyd olunur ki, bu cür layihələr paytaxtın digər yollarında da tətbiq edilərsə, həm ictimai nəqliyyatın səmərəliliyi, həm də ümumi yol təhlükəsizliyi əhəmiyyətli dərəcədə arta bilər.

Eltac Zülfüqaroğlu