Bu yolayrıcında yeni xətlər çəkildi: Əməl etməyənlər cərimələncək - VİDEO

Bir neçə gün əvvəl paytaxtın Lermontov küçəsində hərəkətin təşkilində nöqsan olması ilə bağlı məlumat yaymışdıq. Avtosfer.az xəbər verir ki, paytaxtın İstiqlaliyyət küçəsindən Mixail Lermontov küçəsinə dönən sürücülər əks zolağa çıxdıqları üçün məsuliyyətə cəlb edilirdilər.

Qeyd edək ki, Azərbaycan Yerüstü Nəqliyyat Agentliyi (AYNA) məsələni dərhal nəzarətə götürdü və təhlükənin aradan qaldırılması istiqamətində addımlar atdı. Nəticədə, sürücülərin manevr edərkən qaydaları pozmaması və rahat hərəkət edə bilməsi üçün sözügedən kəsişmədə 1.7 nişanlanma xətləri çəkilib. Hazırda sürücülər həmin nişanlanma xətləri üzrə hərəkət edərək qaydalara tam uyğun şəkildə manevr edə bilirlər. Bu dəyişiklik hərəkətin təhlükəsizliyini artırmaqla yanaşı, sürücülərin cərimə edilməsinin də qarşısını alır. AYNA-nın bu cür operativ və effektiv müdaxiləsi sürücülər tərəfindən müsbət qarşılanıb.

Nərmin