Zabratda yeni asfalt çəkilən yolda təhlükəli vəziyyət yaranıb: Sakinlər narazıdır - VİDEO

Paytaxtın Sabunçu rayonu, Zabrat qəsəbəsində məhəllədaxili yollara yeni asfalt örtüyü çəkilib. Lakin sakinlər asfalt çəkildikdən sonra sürücülərin həmin yollarda avtomobilləri yüksək sürətlə idarə etməsindən narahatdırlar.

Avtosfer.az xəbər verir ki, sakinlərin sözlərinə görə, bir neçə gün əvvəl məhəllədaxili yolda sürətlə hərəkət edən avtomobil məktəblini vurub.

Onlar ərazidə xəbərdaredici yol nişanlarının quraşdırılmasının vacib olduğunu bildirirlər. Qeyd olunur ki, məhəllə daxilində yaşayış evlərinin giriş qapıları birbaşa yola açılır. Bu səbəbdən avtomobillərin yüksək sürətlə hərəkət etməsi sakinlərin, xüsusilə də uşaqların həyatı üçün təhlükə yaradır.

Sakinlər aidiyyəti qurumlardan ərazidə təhlükəsizlik tədbirlərinin görülməsini və xəbərdaredici nişanların quraşdırılmasını xahiş edirlər.

Eltac