Bu yolda sürücülər hara getdiklərini bilmirlər - Nişanlar yoxdur - VİDEO

Bakıda yol nişanlarının olmaması sürücülərin hansı istiqamətdə hərəkət etməsində çətinlik yaradır. Avtosfer.az xəbər verir ki, söhbət paytaxtın Yusif Səfərov küçəsinin sonundan gedir.

Bu ərazidə yolun sonunda iki istiqamət mövcuddur: biri Xətai prospektinə və Gülarə Qədirbəyova küçəsinə aparan tunelə, digəri isə Heydər Əliyev prospekti istiqamətinə yönəlir. Lakin bu yolların hansı istiqamətə apardığını göstərən məlumatverici yol nişanları quraşdırılmayıb. Sadəcə zolaqlar üzrə düzünə hərəkəti bildirən nişanlar və nişanlanma xətləri çəkilib. Bu isə həmin yoldan ilk dəfə istifadə edən sürücülərin hansı istiqamətdə hərəkət etməsində çətinlik yaradır.

Bu problemin həlli üçün aidiyyəti qurumlar tərəfindən məlumatverici nişanların quraşdırılması, sürücülərin vaxtında istiqamət seçimini asanlaşdıracaq digər tədbirlərin görülməsi vacib hesab olunur.

Nərmin