Minik maşınlarının bu yola girişi qadağan edildi: 3 bal 100 manat cəriməsi var - VİDEO

Avtovağzal metrostansiyasının qarşısında hərəkətin təşkilinə dəyişiklik edilib. Avtosfer.az xəbər verir ki, Bakı-Sumqayıt yolundan sağa - Avtovağzal metrostansiyasına dönən zaman əvvəllər düzünə hərəkət etməyə icazə var idi. Lakin edilmiş dəyişiklikdən sonra əraziyə girişi qadağan edən nişan quraşdırılıb. Belə ki, artıq minik avtomobillərinin düzünə hərəkətinə icazə verilmir. Sözügedən istiqamətdə yalnız avtobusların hərəkətinə icazə verilir.

Qeyd edək ki, nişanın tələbini pozan sürücülər İnzibati Xətalar Məcəlləsinin 327.2-ci maddəsi ilə 3 bal 100 manat məbləğində cərimə oluna bilərlər.

Fərid