Yol polisi fiziki məhdudiyyətli qadına yardım etdi - VİDEO

Bakıda yol polisi əməkdaşının videosunu oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, görüntü paytaxtın Koroğlu Rəhimov küçəsi ilə Fətəli xan Xoyski küçəsinin kəsişməsində qeydə alınıb.

Belə ki, yolu keçməyə çalışan fiziki məhdudiyyətli qadın çətinliklə üz-üzə qalıb. Ərazidə xidmət aparan Bakı şəhər Dövlət Yol Polisi İdarəsinin Müşayiət Eskort Bölüyünün əməkdaşı dərhal qadına yaxınlaşaraq onu təhlükəsiz şəkildə digər istiqamətə keçirib. Polis əməkdaşının nümunəvi hərəkəti vətəndaşlar tərəfindən təqdir olunub.

Sözügedən videonu təqdim edirik.

Könül Rauf