“Bugatti” daha bir unikal avtomobil hazırlayır – 10 MİLYON DOLLAR - FOTO

“Bugatti” avtomobilini əldə etmək hər kəsin cibinə görə deyil. Bəzən bu avtomobilə sahib olmaq üçün təkcə pul kifayət etmir. Məsələn, sonuncu

“Tourbillon” və “Mistral” modelləri müvafiq olaraq 250 və 99 ədəd istehsal edilib. Bir sözlə, yalnız cəld tərpənənlər bu avtomobilləri ala biliblər. 

Avtosfer.az xəbər verir ki, fransız şirkəti indi daha unikal, son 2 modeldən “eksklüzivlik baxımından narazı qalan” müştərilər üçün “Brouillard” modelini hazırlayır. 

Avtomobilin mühərrik və transmissiyası “Veyron” modeli ilə eyni olacaq. Lakin əsas diqqət  dizayna yönəldiləcək. Ən əsası isə, avtomobil ildə cəmi 2 ədəd istehsal ediləcək.

Artıq birinci avtomobilin2027-ci ildə sahibinə çatdırılacağı məlum olub. Təbii ki, müştərinin adı və qiymət açıqlanmır. Avtomobil mütəxəssisləri maşının 10 milyon dollardan ucuz olmayacağına əmindirlər.

Öz növbəmizdə biz də qeyd edək ki, “Bugatti” Avropada istehsl edilsə də, əsas müştərilən ərəb ölkələrinin neft milyonçularıdır. Şəxsi təcrübəmdən deyə bilərəm ki, Dubayda gün ərzində 5 ədəd “Bugatti”yə rast gəlsəm də, bu avtomobilin vətənində onu yalnız zavodda və muzeydə görmüşəm.

Vüqar Yaşaroğlu