Dünyanın ən ucuz V8 mühərriki

Dünyada ən ucuz V8 benzin mühərriki Rusiyada istehsal edilir.

Avtosfer.az xəbər verir ki, 4,7 litrlik ZMZ-523 mühərriki karbüratorla qidalanır. Təzə mühərriki dəst halında Moskvada təxminən 3000 dollara almaq mümkündür. 
Qeyd edək ki, bu mühərrikin istehsalı 2022-ci ilin dekabrında dayandırılsa da, 3 ay sonra təkrar konveyerə qaytarılıb. Sanksiyalara görə müasir mühərrik istehsal edə bilməyən ölkə stlin dövrünün məhsuluna üz tutmalı olub. Bu mühərrikdən köhnə QAZ-53-lərin təmiri, həmçinin ucuz PAZ avtobuslarının istehsalında istifadə edilir. 

ABŞ-də istehsal edilən V8 Ford Windsor mühərriki 6300 dollardır. Bu mühərrik də karbürator sistemlidir.
Hazırda cəmi bir neçə ölkə V8 benzin mühərriklərini istehsal edir.

Vüqar