Tarixə qovuşmuş avtomobil markası dirçəldilir - ÇİNƏ GÖRƏ - FOTO

“Stellantis” qrupu “Autobianchi” markasını dirçəltməyi planlaşdırır. 

Avtosfer.az xəbər verir ki, ötən əsrin 50-ci illərində ortaya çıxan marka 1996-cı ildən istehsalı dayandırıb. FİAT-ın törəməsi olan şirkət vaxtilə kifayət qədər populyar olub. İndi də bu markanın bir modeli “Pandina” adı ilə satışa çıxarılıacaq.

Bəs “Stellantis”in bu qədər əmtəə nişanına sahib olduğu dövrdə köhnə markanı dirçəltməkdə marağı nədir?

Qrupun məqsədi əmtəə nişanını qorumaqdır. İtaliyada bir neçə ilə əvvəl qəbul edilmiş qanuna görə, 5 ildən çox müddətdə istifadə edilməyən tarixi adlar dövlət tərəfindən alına bilər. 

Qrupun mütəxəssislərinin fikrincə, ad çinli istehsalçıları maraqlandıracaq. Hansısa məhsulun yerli adla təqdimatı onun bazarda nüfuzunu daha da artırar. “Autobianchi” çinlilərin əlinə düşməsin deyə, qrup bu adla məhdud sayda olsa da maşın istehsal etmək istəyir.

Vüqar