Yaponiyanın avtomobil sənayesində xammal böhranı

Avtomobil sənayesi ciddi xammal qıtlığı ilə üzləşib.

Avtosfer.az xəbər verir ki, söhbət ittirium nadir metalından gedir. Kimyəvi xüsusiyyətlərinə görə bu metal avtomobil sənayesində əvəzsizdir. Ondan daxiliyanma mühərrikləri üçün zondlar, mühərriklərin elektron idarəetmə blokları, faralar və dözümlü alışdırma şamlarının istehsalı üçün istifadə olunur. 

Təchizatla bağlı ən ciddi çətinlik isə Yaponiyadır. Səbəb Gündoğar ölkədəki “Just in time” idarəçilik mədəniyyətidir. Yəni, Avropa və keçmiş SSRi-dən fərqli olaraq məhsul və yarımfabrikatlar böyük anbarlarda toplanmır, gələn kimi istehsala verilir. 

Bu yolla istehsalda çeviklik yaranır, saxlama xərcləri olmadığı üçün maya dəyəri də aşağı düşür. Müasir dövrdə isə bu yanaşma risk yaradır. Hansısa məhsulun təchizatı kəsildikdə istehsalın dayanma riski böyükdür.

Yaponiya ittiriumun böyük idxalçıları arasındadır. Bu məhsulun ən böyük istehsalçısı isə Çindir.

Vüqar