Aviaşirkət 2012-ci ildə itirdiyi təyyarəsini tapdı - FOTO

Qəribə hadisə Hindistanda baş verib. 

Avtosfer.az xəbər verir ki, “Air India” şirkəti 2012-ci ildə müəmmalı şəkildə itmiş təyyarəsini tapıb. 
1982-ci ildə Hindistana gətirilmiş “Boeing 737” təyyarəsi 2007-ci ildə başqa şirkətə icarəyə verilir. Bu şirkət 2011-ci ildə “Air India” ilə birləşir. Təyyarə isə 2012-ci ildə istismardan çıxarılaraq Kəlküttədə anqara yerləşdirilir.  Lakin, ümumi tendensiyanın əksinə olaraq hava gəmisi sökülmür.

Bundan sonra isə təyyarə unudulur. Hətta şirkət 2022-ci ildə özəlləşdirilərkən də “Boeing” yada düşmür.

Təyyarə bu günlərdə anqara baxış keçirilərkən aşkara çıxarılıb və satılıb. Satış zamanı məlum olub ki, hava gəmisinin sənədləri qaydasında deyil, formulyarlar düzgün doldurulmayıb. Bu həm təyyarənin texniki vəsiyyətinin qiymətləndirilməsini çətinləşdirir, həm də Hindistanda texnikaya münasibətin səviyyəsini göz önünə qoyur.

Bu hadisənin fonunda Hindistanda layihələndirilıməsinə 60 il əvvəl başlanan təyyarə mühərrikinin niyə hələ də hazır olmaması təəccüb doğurmamalıdır. Bu günlərdə o da məlum olub ki, mühərrikin ərsəyə gəlməsinə hələ azı 12 il tələb olunur.

Vüqar