Belarus zavodu Ginnersin rekordlar kitabına düşdü - FOTO

MTZ-Holdinqin tərkibində fəaliyyət göstərən Bobruysk Traktor Detalları və Aqreqatları Zavodu Ginnersin rekordlar kitabına düşüb.

Avtosfer.az xəbər verir ki, məlumatı holdinqin mətbuat xidməti yayıb.

Zavod rekordçular siyahısına istehsal etdiyi kənd təsərrüfatı texnikası və traktor disklərinə görə düşüb. 1945-ci ildə fəaliyyətə başlayan zavod  80 il ərzində 5 730 000 ədəd disk istehsal edib. Belarusda istehsal edilən bütün kənd təsərrüfatı texnikası və traktorlar bu zavodun diskləri ilə komplektləşdirilir. 

Hondinqdən bildirilib ki, hazırda dünyada istismar edilən hər 3 traktordan biri Belarusda istehsal edilib.

Vüqar Yaşaroğlu