"BYD" sürücülərinə qarşı qəza tələsi: hamısı eyni yerdən əzilir - ŞOK İDDİA - FOTO

Son dövrlərdə paytaxtda baş verən yol-nəqliyyat hadisələrində "BYD" markalı avtomobillərin tez-tez iştirak etməsi diqqət çəkir. Xüsusilə bu avtomobillərin arxa hissədən vurulması müşahidə olunur. Sosial mediada yayılan iddialara görə, bu qəzalar təsadüfi deyil, məqsədli şəkildə – hətta müəyyən bir şəbəkə tərəfindən təşkil olunur.

Məlumata əsasən, "BYD" markalı avtomobillərdə baş verən qəzadan sonra avtomobilin elektron sistemi avtomatik şəkildə kilidlənir və qəza rejiminə keçir. Bu vəziyyətdən çıxmaq üçün avtomobil mütləq şəkildə xüsusi mütəxəssislərə aparılmalıdır. Hazırda Azərbaycanda bu işi görə bilən ustaların sayı məhduddur. Onlar isə sistemin kilidini açmaq üçün 400-500 manat arası pul tələb edirlər.

İddialara görə, bu qəzalar bilərəkdən törədilir. Arxadan vuran sürücü cəmi 40 manat cərimə ilə məsuliyyətdən yayına bilir, lakin zərərçəkmiş avtomobil sahibi elektron sistemin bərpası üçün yüksək məbləğ ödəməli olur. Bu da həmin ustalarla əlaqəli bir şəbəkənin fəaliyyət göstərdiyi ehtimalını artırır. Əgər qəzaları törədən sürücülər arasında müəyyən əlaqələr aşkar edilərsə, bu, hadisələrin planlı şəkildə baş verdiyini sübut edə bilər. Bu məsələni araşdırmaq isə hüquq-mühafizə orqanlarının üzərinə düşür.

Fərid