"Ferrari" cəmi bir ədəd olan unikal avtomobilini nümayiş etdirdi - FOTO

"Ferrari" şirkəti özünün yeni SC40 adlı superkarını təqdim edib.

Avtosfer.az championat.com-a istinadən xəbər verir ki, bu model xüsusi sifariş əsasında, yalnız bir nüsxədə hazırlanıb.

Məlumata görə, yeni avtomobil "Ferrari 296 GTB" modeli bazasında yığılıb və şirkətin xüsusi layihələr proqramının bir hissəsidir.

Avtomobilin eksteryer dizaynı "Ferrari"nin baş dizayneri Flavio Mandzoni tərəfindən hazırlanıb. O, daha əvvəl 296 GTB, F80, "12Cilindri", "LaFerrari" kimi məşhur modellərin də müəllifidir.

"Ferrari SC40" 3.0 litrlik tvin-turbo V6 mühərrikə və 610 kVt (830 at gücü) hasil edən hibrid güc aqreqatına malikdir. Avtomobil 0-dan 100 km/saat sürətə cəmi 2.9 saniyəyə çatır, maksimal sürəti isə 330 km/saatdan artıqdır.

Hazırda bu superkarın hansı müştəri üçün istehsal edildiyi və qiymətinin nə qədər olduğu açıqlanmayıb.