"Ferrari" unikal superyaxta yaradacaq - FOTO

"Ferrari" şirkəti "Hypersail" adlı layihəsinin ilk görüntülərini dərc edib. Yeni model "yelkənli hiperkar" adlanır.

Avtosfer.az auto.ru-ya istinadən xəbər verir ki, bu, ən prestijli okean yarışları üçün hazırlanmış innovativ yaxtadır.

Tərtibatçılar iddia edirlər ki, "Ferrari Hypersail" dünyanın bu ölçüdə ilk yelkənli gəmisidir. Gəminin ümumi uzunluğu dirək nəzərə alınmaqla 30 metrə yaxın, hündürlüyü 40 metrə qədər olacaq.

Gəminin idarəetmə sistemi "Ferrari"nin avtoidman təcrübəsi əsasında hazırlanır. Xüsusilə qeyd olunur ki, "Hypersail" yalnız bərpa olunan enerji mənbələrindən istifadə etməklə fəaliyyət göstərəcək. Yaxtanın yanacaq mühərrikləri ilə təchiz edilməsi planlaşdırılmır. Göyərtədə günəş, külək və kinetik enerjidən istifadə olunacaq.

"Hypersail"in gələn il buraxılması planlaşdırılır.