Taksidə yerli avtomobillərdən istifadənin KOREYA modeli - FOTO

Azərbaycanda tez-tez taksi xidmətinə yerli istehsal olan avtomobillərin cəlb edilməsi təklifi səslənir. Doğrudur, artıq bu sahədə təcrübə formalaşıb.

Yeri istehsal olan “Khazar” və “Chevrolet”lər taksidə kifayət qədər geniş yayılıb. Bəs başqa ölkələrdə, məsələn Cənubi Koreyada vəziyyət necədir?

Avtosfer.az xəbər verir ki, Koreyada taksi parkı demək olar bütövlüklə yerli istehsaldan təşkil edilib. İstər ekonom, istərsə də biznes sinfi üçün yerli modellər istifadə olunur. Xaricdə istehsal edilmiş taksiyə Seulda nadir hallarda rast gəlmək mümkündür. 

Hüquqi baxımdan taksi parkının xaricdən maşın gətirməsinə məhdudiyyət yoxdur. Lakin, iqtisadi baxımdan yerli maşın daha sərfəlidir. Ehtiyat hissələri və xidmət haqqı ucuzdur. Həm də yerli taksi xidmətləri üçün sadə konfiqurasiyalı və möhkəm maşınlar istehsal edilir. Bu modellər bir qayda olaraq nə ixrac edilir, nə də fiziki şəxslərə satılır. 

Doğrudur, Seul küçələrində “Audi”, “Mercedes” və digər Qərb modellərini görmək az da olsa mümkündür. Bu maşınlardan bir qayda olaraq yüksək vəzifəli dövlət adamları istifadə edirlər.

Vüqar Yaşaroğlu