Türkiyədəki Azərbaycan məhəlləsinin memarlıq üslubu gündəm oldu - FOTO

Azərbaycanın Türkiyənin Kahramanmaraş şəhərində zəlzələdən sonra saldığı yeni məhəllə həm memarlıq baxımından, həm də humanitar dəstək baxımından diqqət çəkir. Məhəllə müasir standartlara uyğun planlaşdırılıb və zəlzələdən zərər görmüş sakinlər üçün təhlükəsiz, rahat yaşayış şəraiti təmin edir.

Avtosfer.az xəbər verir ki, layihə Azərbaycan Prezidenti İlham Əliyevin təşəbbüsü ilə həyata keçirilib. Prezidentin göstərişi ilə inşa olunan bu yaşayış kompleksi, həmçinin regionda humanitar yardımı, həm də müasir memarlıq nümunəsini bir araya gətirir.
Məhəllənin memarlıq həlli geniş işıqlı otaqlar, dayanıqlı və ekoloji uyğun material seçimi ilə seçilir. Küçələr, park və istirahət sahələri sakinlərin gündəlik ehtiyaclarına uyğun olaraq dizayn olunub. Ekspertlər bildirirlər ki, layihə həm təhlükəsizlik, həm də estetik baxımdan nümunəvi hesab olunur.

Azərbaycanın təşəbbüsü yalnız zərər çəkmiş əhaliyə dəstək olmaqla kifayətlənmir, eyni zamanda regionda müasir yaşayış standartlarını təqdim edir. Bu ilin yay aylarında açılışı olan “Azərbaycan məhəlləsi”nin bütövlükdə memarlıq üslubu və görünüşü artıq bir neçə gündür ki, dünyanın gündəminə çevrilib. Artıq bəzi ölkələrdə Azərbaycanın şəhərsalma texnikası və Türkiyə vətəndaşları üçün bu cür can yandırması medianın əsas müzakirə mövzusu olub.

Eltac Zülfüqaroğlu