Ara yola girən “Nissan” mopedlə toqquşdu, kuryer və sərnişin… - ANBAAN VİDEO

Abşeron rayonu Masazır qəsəbəsi, Əliağa Vahid küçəsində qeydə alınmış yol-nəqliyyat hadisəsi avtomobilin kamerasına düşüb. 

Avtosfer.az-ın məlumatına görə, qəza dekabrın 7-də saat 14:29 radələrində baş verib. Kadrdan görünür ki, “Wolt”un kuryeri idarə etdiyi mopedlə birzolaqlı yolda sağa doğru manevr edərək hərəkət edir. Bu zaman “Nissan” markalı avtomobilin sürücüsü soldan gələn mopedə diqqət yetirmədən ara küçəyə daxil olur. Nəticədə moped avtomobilə çırpılır və toqquşmanın təsirindən həm sürücü, həm də sərnişin yerə yıxılır. Xoşbəxtlikdən xəsarət alan olmayıb. Qanunvericiliyə əsasən, sürücülər dönmə və manevr zamanı iki əsas qaydanı mütləq nəzərə almalıdır:
1. Manevr edən sürücü arxadan, yandan və qarşıdan gələn nəqliyyat vasitələrinə yol verməlidir;
2. Zolağı və hərəkət istiqamətini dəyişən şəxs digər hərəkət iştirakçılarına təhlükə yaratmamalıdır.

Videoda hər iki tərəfin də ehtiyatsız davranışı aydın görünür: moped sürücüsünün öz zolağında hərəkət etməməsi, avtomobil sürücüsünün isə ara yola daxil olarkən ehtiyatsızlığı qəzanı qaçılmaz edib.

Nərmin