Azneft dairəsinə yeni zolaqlar çəkildi: Bura girənlərə cərimə yazılmayacaq - VİDEO

Bakıda COP29-la bağlı yeni zolaq yaradılıb. Avtosfer.az xəbər verir ki, sözügedən zolaq Azneft dairəsindən üzü Dəniz Vağzalı istiqamətinə, eyni zamanda Muzey Mərkəzinin yanından Azneft dairəsinə qədər çəkilib. Lakin zolağın içinə BUS və COP29 loqoları çəkilmədiyi üçün sürücülər həmin zolağa daxil olmağa ehtiyat edirlər. Bu səbəbdən hər iki istiqamətdə sıxlıq yaranıb. Yol Polisləri Avtosfer.az-ın ərazidə olan əməkdaşlarına bildirib ki, sürücülər noyabr ayının 1-nə qədər həmin zolaqlara daxil ola bilərlər. Çünki bu, COP29-la bağlı müvəqqəti zolaqdır. Yaxın günlərdə həmin zolağa BUS və COP29 loqoları çəkiləcək.

Sürücülərə bildiririk ki, çəkinmədən həmin zolaqlara daxil ola bilərlər. Bu halda ərazidə yaranan sıxlıq da aradan qalxmış olar.

Fərid