Qaradağda “Nissan” daş hasara çırpıldı, sürücünün başı yarıldı - ANBAAN VİDEO

Paytaxtın Qaradağ rayonu, Sahil qəsəbəsində baş vermiş yol qəzası anbaan müşahidə kamerasına düşüb.

Avtosfer.az-ın məlumatına görə, hadisə aprelin 12-də saat 18:26 radələrində qeydə alınıb. Belə ki, “Nissan Note” markalı maşının sürücüsü anidən idarəetməni itirərək avtomobili daş hasara çırpıb. Zərbənin təsirindən sürücü başından xəsarət alıb, nəqliyyat vasitəsinə maddi ziyan dəyib. Sürücü ərazidən keçən sürücülərin köməyi ilə xəstəxanaya yerləşdirilib.

Qeyd edək ki, sürücü törətdiyi qəzanın görüntüsünü sosial şəbəkə hesabında paylaşıb. O, qəzaya düşməsinə səbəb kimi avtomobili yuxulu halda idarə etdiyini və yolda dərin çuxur olduğu üçün əks istiqamətli yola keçərkən önünə qəfil itin çıxdığını şərh bölməsində bildirib. 

Nərmin