“Range Rover” sürücüsündən təhlükəli hərəkət: Maşını qapısı açıq sürdü - 90-AZ-173 - VİDEO

Paytaxtın Xətai prospekti və Yusif Səfərov küçəsində qayda pozan sürücü kameraya düşüb.

Avtosfer.az-ın məlumatına görə, 90-AZ-173 dövlət nömrə nişanlı “Range Rover” markalı avtomobilin sürücüsü avtomobili sürücü qapısı açıq vəziyyətdə idarə edib. Görüntülərdən aydın olur ki, sürücü hərəkət etdiyi müddətdə bir əlini sükan çənbərində saxlayıb, digər əli ilə isə açıq qalan qapını tutaraq yoluna davam edib. O, xeyli məsafəni bu şəkildə qət edib.

Bu cür hərəkət sürücünün nəqliyyat vasitəsinə tam nəzarət etməsini çətinləşdirir və gözlənilməz vəziyyət yarandıqda operativ reaksiya vermək imkanını azaldır. Eyni zamanda, açıq qapı həm digər avtomobillər, həm də piyadalar üçün əlavə təhlükə yarada bilər.

Qeyd edək ki, qanunvericiliyə əsasən, sürücü nəqliyyat vasitəsini yalnız hərəkətin təhlükəsizliyini təmin edəcək qaydada idarə etməlidir. Sükan arxasında diqqəti yayındıran və avtomobilə tam nəzarəti məhdudlaşdıran bu cür davranışlar təhlükəsizliyi ciddi risk altına salır.

Nərmin