TIR-ın yük yeri “Fiat”a çırpıldı: 3 ölü, 4 yaralı – ANBAAN VİDEO

Türkiyənin Bursa şəhərində iki nəqliyyat vasitəsinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə İznik rayonunda qeydə alınıb.

Məlumata görə, hərkətdə olan “Mercedes” markalı yük maşını döngədə havanın yağışlı, asfalt zəminin sürüşkən olması səbəbindən yük hissəsi sürüşüb və əks yolda hərəkətdə olan “Fiat Fiorino” markalı minik avtomobilinə çırpılıb. Zərbənin təsirindən bir neçə dəfə yerində firlanan “Fiat” deformasiyaya uğrayıb.

Nəticədə minik avtomobilində olan 3 nəfər ölüb, 4 nəfər isə xəsarət alıb.

Yaralılar, qəza yerinə cəlb edilən ambulanslarla yaxınlıqdakı tibb müəsisəsinə aparılıblar.

Faktla bağlı araşdırma aparılır.

Namiq Musayev