Yol nişanı aşıb, sürücü maşını saxlayanda cərimələnir - VİDEO

Yasamal rayonunda yaşayan vətəndaşlar uzun müddətdir davam edən bir problemdən narazılıqlarını bildiriblər.
Avtosfer.az-ın sosial media hesabına göndərilən videomüraciətdə qeyd olunub ki, Murtuza Muxtarov küçəsində baş vermiş yol-nəqliyyat hadisəsindən sonra ictimai nəqliyyatla bağlı məlumat nişanı qəzalı vəziyyətdədir və hər an aşa bilər.
Vətəndaşların sözlərinə görə, bu vəziyyət bir müddətdir davam edir və ərazi əsas yollardan kənarda olduğu üçün yol nişanı aidiyyəti qurumların gözündən yayınır. Nişanın küləkli havada yıxılaraq insanların sağlamlığına xələl gətirmə ehtimalı da ciddi narahatlıq doğurur. Bundan əlavə, belə baxımsız görüntülər paytaxt küçələrinin ümumi görünüşünə də mənfi təsir edir. Digər tərəfdən nişanı görməyən sürücülər nəqliyyat vasitələrini dayanacaqda saxlayır, bu da cəriməyə səbəb olur.
Sakinlər qeyd edilən problemin aidiyyəti qurumlar tərəfindən həll edilməsini xahiş edir.

Fidan