Avtomobil kondisioneri adamı zəhərləyir? - USTADAN CAVAB - VİDEO

"Avtomobildə kondisionerlərin düzgün və keyfiyyətli işləməsi üçün öncəliklə onun təmizliyinə diqqət etmək lazımdır". Avtosfer.az xəbər verir ki, bu fikirləri Oxu.az-ın "Avtousta" layihəsi çərçivəsində usta Əmrulla Vəliyev deyib.

Usta bildirib ki, sistemdə qaralma yoxdursa, bu zaman o, normal işləyə bilər:

"Bundan başqa, əgər sistemdə sızma yoxdursa, freon keyfiyyətlidirsə, o zaman hər il yeni qaz vurmağa ehtiyac yoxdur. Freon öz-özünə azalmaz".

Kondisionerdə sızıntı səbəbindən zəhərlənmə ehtimalı ilə bağlı sualı isə Ə.Vəliyev belə cavablandırıb:

"Əslində, buna görə kimsə dünyasını dəyişmir. Zəhərlənmələr daha çox qış vaxtında olur. Maşın sahibləri avtomobili salırlar qaraja və ya qapalı yerə, qızdırıcını qoşurlar, salonda dəm qazının həcmi artır, nəticədə ölüm halları baş verir".