Azərbaycan daha bir ölkədən elektromobil tədarük etməyə başladı

Bu ilin yanvar ayında Azərbaycan 3,3 milyon ABŞ dolları dəyərində 108 ədəd elektromobil idxal edib.

Avtosfer.az-ın Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrünün göstəricisindən dəyər ifadəsində 50 %, kəmiyyət olaraq – 22 % azdır.

Hesabat dövründə Azərbaycan Çindən 1 milyon ABŞ dolları dəyərində (1 il əvvəlki göstəricidən 54 % az) 59 ədəd (-21 %), Böyük Britaniyadan 875 min ABŞ dolları dəyərində (+2 dəfə) 2 ədəd (+2 dəfə), Amerika Birləşmiş Ştatlarından 627 min ABŞ dolları dəyərində (+15 %) 26 ədəd (-19 %), Almaniyadan 603 min ABŞ dolları dəyərində (-81 %) 13 ədəd (-48 %), Özbəkistandan 70,2 min ABŞ dolları dəyərində 4 ədəd elektromobil alıb.

Bu il son 16 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Özbəkistandan tədarük həyata keçirilib.