Azərbaycana 2 milyard dollarlıq maşın gətirilib

2025-ci ildə Azərbaycana 123.319 nəqliyyat vasitəsi idxal edilib ki, bu da 2024-cü illə müqayisədə 34,3% artım deməkdir.

Avtosfer.az-ın Ölkə.az-a istinadən məlumatına görə, idxal edilən nəqliyyat vasitələrinin ümumi dəyəri 2.386.505.030 ABŞ dolları (artım 29,4%) təşkil edib.

Nəqliyyat vasitələrinin ən böyük payı minik avtomobilləri və sərnişin daşınması üçün nəzərdə tutulmuş digər motorlu nəqliyyat vasitələri olub - 113.840 ədəd (artım 38,1%), ümumi dəyəri 2.142.022.820 ABŞ dolları (artım 36,7%) təşkil edib.

Xüsusilə hesabat dövründə 73.678 hibrid nəqliyyat vasitəsi idxal edilib (artım 2,8 dəfə), dəyəri 1.428.225.670 ABŞ dolları (artım 2,1 dəfə).

Bundan əlavə, son bir ildə idxal edilən elektrikli nəqliyyat vasitələrinin sayı 2028 ədəd (33% azalma) təşkil edib ki, bu da 62.485.910 dollar (1,9 dəfə azalma) dəyərindədir.