Bu qurğu istənilən avtomobilin qapısını aça bilir – TƏHLÜKƏDƏ OLAN MODELLƏR - FOTO

İnternetdə açıq satışda olan “Flipper” adlı qurğu avtomobil sahibləri üçün real təhlükəyə çevrilib.

Avtosfer.az xəbər verir ki, bu qurğu əvvəllər elektron sistemlərin etibarlılığını yoxlamaq üçün istifadə edilib. Onda oyun və tədris məqsədi iləı istifadə edilir. Bir sözlə, ilk baxışda təəccüblü heç nə yoxdur. 

Lakin, Avropada son aylarda belə bir tendensiya müşahidə edilir: xakerlər bu qurğuya xüsusi proqram yazaraq avtomobillərin mərkəzi kilidini açmaqda istifadə edirlər.

İş prinsipi də çox sadədir: sürücü avtomobilin qapılarını açmaq və ya bağlamaq üçün pultun düyməsinə basdıqda ətrafa radiosiqnallar yayılır.

“Flipper” bu siqnalları tutaraq yadda saxlayır və klonlaşdırır. Tezliyin tutulması nəticəsində avtomobilin qapılarını orijinal açardakı kimi asanlıqla açmaq mümkündür. 

Siqnalların klonlaşdırılmasından ən çox təhlükədə olan markalar “Ford”, “Audi”, “Volkswagen”, “Citroën”, “Renault”, “Hyundai” və “Kia”dır.

Avropalı ekspertlər bildirirlər ki, bu cür qurğular çoxdan mövcuddur. Əsas narahatlıqverici məqam onların kütləviləşməsidir.