Çin şirkətləri avtomobil istehsalını xaricə köçürür – SƏBƏB 

Çinin avtomobil sənayesində başlayan geriləmə istehsalçıları yeni yollar axtarmağa vadar edir. 

Avtosfer.az xəbər verir ki, 2025-ci ildə 34,4 milyon avtomobil istehsal edilib. Bu rəqəm pik nöqtə hesab edilib. 2026-cı ilin ilk yarısında illik müqayisədə satışlar 20,8 faiz, istehsal 4 faiz azalıb. İstehsal və ölkədaxili satışlar 9 aydır davamlı şəkildə azalır. 

İstehsalçılar bunu ixracla kompensasiya etmək istəsələr də, problemsiz ötüşmür. İxracın artması ilə paralel logistika xərcləri və tariflər də artır. Buna görə də, böyük istehsalçılar xaricdə lokallaşmaya üstünlük verirlər. Avtomobil ekspertlərinin fikrincə, çinli istehsalçılar 4 tip qlobal lokalizasiya üsulu seçiblər: ya sıfırdan zavod tikilir, ya hazır zavod alınır, ya yerli partnyorla iş qurulur, ya da qərb tərəfi hazır müəssisə, çinlilər isə avadanlıq və proqram təminatı təklif edir.

Hər bir üsulun özünəxas üstünlükləri və naqisliyi var. Əsas məsələ budur ki, istehsalçılar ayaq üstə qalmaq üçün maksimum çıxış yolları axtarırlar.

Vüqar