Çinin elektrik və ya hibrid avtomobil satışında YENİ REKORD

Oktyabr ayında Çində 1 milyon 715 min ədəd yeni elektrik və ya hibrid avtomobil satılıb.

Avtosfer.az xəbər verir ki, bu barədə "Cnevpost" nəşri məlumat yayıb.

Satışların bir hissəsi ölkə daxilində həyata keçirilib, müəyyən miqdarda avtomobil isə ixrac olunub.

Çin Avtomobil İstehsalçıları Assosiasiyasının məlumatına görə, bu göstərici yeni aylıq rekord sayılır.

Bundan əlavə, elektromobil və hibrid nəqliyyat vasitələrinin bazar payı tarixdə ilk dəfə 50 faiz həddi keçib.

Maraqlıdır ki, "Tesla" 2022-ci ilin avqustundan bəri ilk dəfə Çin elektromobil və hibrid bazarının ilk onluğuna daxil ola bilməyib. Ən populyar marka isə BYD olub.