Ekspert Çin avtomobillərinin kuzov və sürət qutusu problemlərindən danışdı

Çin avtomobilləri ilə bağlı çox söz danışılır və bunların böyük qismi reallıqla az uyğunlaşır. Bəs bu ölkədə istehsal olunmuş avtomobillərin kuzovunun zəif olması fikri nə dərəcədə doğrudur? 

Avtosfer.az xəbər verir ki, Avtostat saytının baş redaktoru Sergey Selikov məsələyə münasibət bildirib. Selikovun fikrincə, Çinin əksər maşınlarında kuzov detalları sinklə örtülmür. Satış menecerləri isə əksini iddia edirlər.

Jurnalist həmçinin əlavə edib ki, Çin maşınlarında metalın qalınlığı azdır. Buna görə də qəza zamanı təmir çətin olur. Digər tərəfdən, avropalılardan fərqli olaraq çinlilər avtomobili on illərlə istismar üçün hazırlamırlar.

Selikov bildirir ki, bəzi Çin maşınlarında sürət qutusu ilə bağlı da ciddi problemlər mövcuddur. Məsələni taksi sürücüləri daha yaxşı bilirlər. Səbəb bu xidmət üçün bir qayda olaraq ucuz modellərin seçilməsidir.

Bununla belə, Çİndə ikinci əl avtomobil bazarı mövcuddur. Orda maşınlar Avropa və MDB məkanındakından 3 dəfə daha sürətlə dəyər itirir. Lakin bu, çinliləri narahat etmir. Ən lazımsız texnika belə, metal kimi təhvil verilir və münasib qiymətə başqa maşın alınır. 

QEYD: yazıdakı fikirlər redaksiyanın mövqeyini əks etdirmir.

Vüqar