Ən çox əməkdaşı olan avtomobil şirkətləri

Bu gün robotlar, avtomat qurğular insan əməyini böyük həcmdə əvəz etsə də, hələ ki, istehsal prosesi insansız ötüşmür.

Avtosfer.az xəbər verir ki, avtomobil sənayesi böyük həcmdə işçi qüvvəsinin tələb olunduğu istehsal sahələrindəndir. "BYD" şirkətində milyondan bir qədər çox adam işləyir ki, onlardan 960 min nəfəri təxminən Çində, 60 mini xaricdədir. Tədqiqat və layihələndirmə ilə 120 min nəfər məşğuldur.

Təkcə bu il şirkət 150 min nəfəri işə götürüb. Çin şirkətində işçi sayı "Toyota", "GM", "Ford" və "Tesla"dakı işçilərin ümumi sayından çoxdur.

"BYD"nin işçi çoxluğunun səbəbi şirkətin həm də batareya, mühərrik, yarımkeçiricilər və digər vacib komponentləri özünün istehsal etməsidir.

İşçi sayı çox olan digər avtomobil istehsalçıları bunlardır:

"Volkswagen Group" – 663 min nəfər,
"Toyota" – 391 min nəfər,
"Stellantis" – 259 min nəfər,
"Honda"  - 195 min nəfər.

Vüqar