Erməninin 300 min dollarlıq maşını Belarusda əlindən alındı

Belarusun Brest şəhərindəki cərimə meydançasında saxlanılan “McLaren Artura” markalı avtomobil çoxlarının marağına səbəb olub. 

Avtosfer.az xəbər verir ki, 300 min dollarlıq maşının nə üçün belə urvatsız şəkildə saxlanılması təəccüb doğurur.  
Bu günlərdə məlum olub ki, avtomobil Ermənistan vətəndaşına məxsusdur və o, avtomobili vətənindən gətirib. Lakin gömrük sənədləşməsində problemlər olduğu üçün lüks avtomobil cərimə meydançasına yerləşdirilib. O, maşını geriyə, İrəvana qaytarmaq istəsə də, Belarus polisi icazə verməyib.

Görünür, Ermənistan vətəndaşı Rusiya ilə Belarusu səhv salıb. Ermənistandan hər il Rusiyaya 10 minlərlə avtomobil idxal edilir. Rusiya vətəndaşları cərimədən yayınmaq üçün maşını elə Ermənistan nömrəsi ilə idarə edirlər. Aleksandr Lukaşenkonun ölkəsində isə, bu fırıldaqlar keçmir.

Vüqar Yaşaroğlu