“İkinci əl 0 kilometr avtomobil” və ya Çinin yalançı statistikası

Çinin son illərdə avtomobil ixracı ilə bağlı statistikasına çoxları şübhə ilə yanaşır. 

Avtosfer.az xəbər verir ki, “Reuters” agentliyinin araşdırması maraqlı məqamları ortaya çıxarıb. Agentliyin ekspertlərinin fikrincə, kənar göstəricilər (enerji sərfi, reyslərin sayı, axtarış sistemlərindəki sorğular və s.) fərqli statistikanı üzə çıxarır. 

“Reuters”in  araşdırması Çin avtomobil sənayesindəki “pripiska”nı aşağıdakı kimi təsvir edir:

Regional hökumətlər konveyerdən çıxmış avtomobili dərhal yerli bazarda satılmış kimi rəsmiləşdirir. Bundan sonra maşın MDB, Afrika və Yaxın Şərqə  “ikinci əl 0 kilometr avtomobil” kimi satılır. Bununla da statistikada “ikiqat artım” baş verir. 

İstehsalçıların “pripiska”ya əl atmasının səbəbi 5 ildir davam edən qiymət siyasətidir. Bütün istehsalçılar istənilən satışı rəsmiləşdirməyə və artırmağa çalışırlar. 
Çin hökuməti regional idarəetmə orqanlarının bu praktikasını formal olaraq pisləyib. Lakin yerli orqanların heç biri agentliyin sorğusuna cavab verməyib. Xarici İşlər

Nazirliyi isə sorğunu “müvafiq qurumlara ünvanlamağı” tövsiyə edib.

Vüqar