İntizamsız sürücülər üçün virtual söyüş - FOTO - VİDEO

Yolda düzgün davranmayan, danışıq dilində desək “hozu” yol hərəkəti iştirakçılarına əsəbləşmək bir çox sürücü üçün normaya çevrilib. Bu davranış dolayı yolla yol hərəkəti təhlükəsizliyinə təhdid yaradır. Çin şirkəti buna çarə tapıb.

Avtosfer.az xəbər verir ki, “Xpeng” şirkəti intizamsız davranan sürücülərin avtomobillərinə belə demək mümkünsə virtual söyüş göndərən sistem hazırlayıb. “Road Rage Reliever” sistemi alın şüşəsinin altına yerləşdirilir. Sürücü bu yolla qarşıda hərəkət edən avtomobilə emocilər göndərir. Xpeng hesab edir ki, bu yolla sürücülər əsəblərini sakitləşdirirlər.

Sistemin nə qədər səmərəli olub-olmadığı müstəqil tədqiqata cəlb edilməyib.

Vüqar Yaşaroğlu