Köhnə elektromobillərin təmirə ehtiyacı daha az olur – TƏDQİQAT  

Böyük Britaniyada 47 milyondan çox texniki baxışın nəticələri təhlil edilib və elektromobillərlə ənənəvi avtomobillərin fərqi ortaya çıxıb.

Avtosfer.az xəbər verir ki, britaniyalı tədqiqatçılar böyük məsafə qət etmiş elektromobillərin servisə daha az müraciət etdiyini üzə çıxarıblar.

60-65 min kilometr qət etmiş maşınlarda ciddi fərq olmasa da, növbəti mərhələdə ciddi nasazlıqlara görə fərq artır. 

Bu həddən sonra elektromobillərdə ciddi nasazlıqlar 16 faiz ətrafında dəyişdiyi halda, benzin mühərrikdə fərq böyükdür.

145 – 193 min km qət etmiş elektromobillərdə nasazlıq 16,5 faizi keçmədiyi halda, ənənəvi avtomobillərdə 22 faizdir.

193 mindən sonra elektromobil 16 faiz, ənənəvi avtomobil – 23,5 faiz.

İngilis tədqiqatçıların fikrincə, bu fərqi daxiliyanma mühərrikli avtomobillərin daha çox istismar edilməsi ilə izah etmk doğru deyil.

Araşdırma zamanı məlum olub ki, köhnə elektromobillər benzin analoqlarından daha çox yol qət edib.

Elektromobillərin yeganə zəif yeri şinlərdir. Bu maşınlarda təkərlər ənənəvi modellərə nisbətdə 1,8 dəfə daha çox aşınır.

Vüqar