Kondisioner qoşulduqda avtomobilin sürətlənməsi pisləşir – SƏBƏB 

Yayda kondisionerdən istifadə edən sürücülər yəqin bunu hiss edib: kondisioner işə salındıqda avtomobilin sürətlənməsi artır, yoxuşda qızmağa meyilli olur, yanacaq sərfi çoxalır. Bəzi sürücülər bunu hansısa nasazlıqla əlaqələndirsələr də, vəziyyət başqadır. 

Avtosfer.az xəbər verir ki, su nasosu, generator və sükan gücləndirici mexanizm kimi kondisioner də gücünü mühərrikdən alır. Bunlar heç biri avtomobilin sürətlənməsinə kömək etmir, əksinə mühərrik üçün parazit yük yaradır. Parazit güclər toplandıqda mühərrikdən təkərə ötürülən fırlanma momenti də aşağı düşür. Bir sözlə, elementar mexanika. 

Kondisionerin mühərrikin işinə təsiri onun tipindən və mühərrikin gücündən daha çox asılıdır. 2000-ci ilədək istehsal olunmuş modellərdə güc itkisi daha çox hiss edilir. O cümlədən mühərrikin gücü 120 at qüvvəsindən aşağı olduqda. 

Böyük texnikada, məsələn ağırtonajlı maşınlarda və ya traktorlarda kondisionerin işləyib-işləməməsi mühərriki çox da gücə salmır. Amma kiçik benzin mühərriklərində tam əksidir. Hətta mühərrik yerində işləyərkən kondisioner qoşulduqda elektron idarəetmə sistemi mühərrikin dövrlər sayını artırır. Son nəticədə yanacaq da çox işlənir. 

Ekspertlər hesablayıblar ki, kondisioner mühərrikdən təxminən 4 at gücü alır. Bu da kiçik mopedin gücü qədərdir, yaxud benzin mühərrikli mişarın gücündən daha çoxdur.

Bir sözlə, komfortlu sürüş üçün pul ödəmək lazımdır.

Vüqar Yaşaroğlu