Mərhələli utilizasiya və ya köhnə elektromobil batareyalarının sonrakı taleyi

Elektromobillərin batareyalarının utilizasiyası getdikcə daha ağır problemə çevrilir. Azərbaycanda məsələ hələ ciddi olmasa da, yaxın illərdə aktuallıq artacaq. 

Avtosfer.az xəbər verir ki, elektromobil batareyalarının istismar müddəti 8-12 il arası dəyişir. Bu müddətin bitməsi batareyanın atılması anlamına gəlmir. Sadəcə olaraq, batareyanın tutumu ilkin həcminin 80 faizinə endiyi üçün elektromobildə istifadəyə yaramır. Lakin, çinlilər bunun da həll yolunu tapıblar. 
Elektromobillərdən çıxarılan batareyalar avtokarlarda istifadə edilir. Bu texnikanın sürəti aşağı, yürüş məsafəsi az olduğu üçün batareyalar onların işinə yarayır. 
Batareyanın tutumu 60 faizdən aşağı endikdə isə, artıq onlar elektrokarlar üçün də yaramır. Bu dəfə isə onları elektrikli motosikletlərə, velosipedlərə və skuterlərlə yerləşdirirlər. Sözügedən texnikalarda isə batareyalar tutum 20-30 faizə enənədək istismar olunur. Bu yolla bir batareyanın istismar müddəti 15 ili ötür. 
Mərhələli utilizasiya həm qənaətə, həm də ətraf mühitə zərərli təsiri minimuma endirməyə imkan verir.

Vüqar