Müasir mühərriklərin uzunömürlü olmamasının SƏBƏBİ

80-90-cı illərin avtomobillərində mühərrikin 500 min, hətta düzgün qulluq zamanı 1 milyon kilometr qət etməsi qeyri-adi qarşılanmır. İndi isə vəziyyət fərqlidir. 

Avtosfer.az xəbər verir ki, müasir mühərriklərin çoxu 250 min kilometr limitini keçə bilmir. Çoxları bunun səbəbini naşı texniki xidmətdə görür. Lakin bu, yeganə səbəb deyil.

Əsas məsələ budur ki, konstruksiyanı yüngülləşdirmək xatirinə mühərrikdə tətbiq edilən materiallar radikal dərəcədə dəyişib.

Çuqun əvəzinə alüminium blok tətbiq edilir, detallar arasında araboşluqlar azaldılır, silindr divarları nazikləşir, porşenlər gödəlir. 

Belə olduğu halda güc və sürət artır, yanacaq sərfiyatı azalır. Alüminium blok qızmaya az davamlıdır. Kompressor isə mühərrikin daim yüklü rejimdə işləməsinə səbəb olur. Paralel olaraq möhkəmlik də aşağı düşür. 

Buna görə də, belə mühərrikləri ciddi aşınma olduğu halda təmir etmək mənasızdır. Ən yaxşısı onu yenisi ilə əvəzləməkdir.

Vüqar