"Nissan" Yaponiyadakı zavodlarını bağlayacaq

Yaponiyanın avtomobil istehsalçısı "Nissan" ölkədəki, eləcə də xaricdəki bir sıra zavodlarını bağlamağı planlaşdırır.

Avtosfer.az xəbər verir ki, bu barədə "Reuters" insayderlərə istinadən məlumat verib.

Şirkət Yaponiyadakı iki sahədə istehsalı dayandırmağa hazırlaşır. Birincisi, 1961-ci ildən fəaliyyət göstərən Oppamadakı zavoddur. Bağlanmağa ikinci namizəd Senanedəki zavoddur ki, ana qurum "Nissan Shatai" şirkəti vasitəsilə onun yalnız yarısına sahibdir.

Optimallaşdırma bir sıra xarici müəssisələrə də təsir edəcək: Cənubi Afrika Respublikası, Hindistan, Argentina və Meksikada zavodların bağlanması planlaşdırılır. Bu yolla maliyyə sıxıntısı yaşayan "Nissan" cari xərcləri azaltmağa hazırlaşır.