Qaydaları ən çox bu avtomobillərin sürücüləri pozur - SİYAHI

“Autoblog” tərəfindən aparılan araşdırmaya görə, BMW sürücüləri yol hərəkəti qaydalarını ən çox pozan sürücülər arasında ilk yerdə qərarlaşıb.

Avtosfer.az “Bizim.Media”ya istinadən xəbər verir ki, araşdırma 30 məşhur avtomobil markasının sürücülərini əhatə edib.

Qiymətləndirmə zamanı yol-nəqliyyat hadisələri, sürət həddinin aşılması, sərxoş vəziyyətdə avtomobil idarə edilməsi və digər yol hərəkəti qaydalarının pozulması halları nəzərə alınıb.

Nəticələrə əsasən, BMW sürücüləri hər min nəfərə 44,9 insident göstəricisi ilə ilk sırada yer alıb. Sonrakı yerləri RAM (44,7) və Tesla (42,8) sürücüləri tutub.

Araşdırma müəllifləri bildirirlər ki, yüksək gücə malik avtomobillər, sürətli sürətlənmə və bəzi markaların formalaşdırdığı imic daha aqressiv idarəetmə tərzinə meylli sürücüləri cəlb edə bilər. Bununla belə, onlar avtomobil markasının özlüyündə sürücünün davranışını müəyyən etmədiyini də vurğulayıblar.