Rusiyada nadir "Zaporojets" avtomobili satılır

Rusiyanın Belqorod vilayətində 1989-cu il istehsalı olan nadir "ZAZ-968MD" avtomobili satışa çıxarılıb.

Avtosfer.az rg.ru-ya istinadən xəbər verir ki, "Zaporojets" avtomobili sahibinin qarajında 20 ildən çox qalıb və bu müddət ərzində cəmi 21 min kilometr yol qət edib.

MD modifikasiyası xüsusilə əlilliyi olan, məhz bir ayağı zədələnmiş insanlar üçün uyğunlaşdırılıb.

Avtomobildə yalnız bir pedal - mufta var, qaz pedalı əvəzinə sükanın üzərində xüsusi qurğudan istifadə olunur, əyləc isə döşəmə tunelində yerləşən Q-şəkilli ling vasitəsilə idarə edilir.

"Zaporojets" avtomobilini cəmi 110 min rubla (təqribən 2 400 manat - red.) almaq mümkündür.